ദൈവതിരുനാമത്തിനു മഹത്വമുണ്ടായിരിക്കട്ടെ!
കർത്താവിൽ പ്രിയരേ
ഒരു പുതുവർഷം കൂടി നമുക്ക് സമ്മാനിച്ച കർത്താവിന് സ്തുതി. കഴിഞ്ഞ കാലത്തിന്റെ അനുഭവങ്ങളിൽ നിന്നു പഠിച്ചു, വിശ്വാസത്തിലും സ്നേഹത്തിലും പ്രത്യാശയിലും വളരാൻ പുതുവത്സരം നമ്മെ ക്ഷണിക്കുന്നു. ദൈവസന്നിധിയിൽ കൂടുതൽ അടുക്കുകയും, സഹോദരസ്നേഹത്തിൽ ജീവിക്കുകയും ചെയ്യുക എന്നതായിരിക്കണം ഓരോ ക്രൈസ്തവന്റെയും പുതുവത്സര പ്രതിജ്ഞ.
ജനുവരി 1-ന് ഓർമ്മ ആചരിക്കുന്ന കപ്പദോക്യൻ പിതാക്കന്മാരായ വിശുദ്ധ ബസേലിയോസും നാസ്സി യാൻസിലെ വിശുദ്ധ ഗ്രിഗോറിയോസും , നിസ്സായിലെ വിശുദ്ധ ഗ്രിഗോറിയോസും സഭയ്ക്ക് നൽകിയ ആത്മീയ സമ്പത്ത് ഈ ദിവസത്തെ കൂടുതൽ മഹത്വവത്താക്കുന്നു. അവരുടെ ജീവിതവും ഉപദേശങ്ങളും നമ്മെ സത്യവിശ്വാസത്തിൽ ഉറപ്പിക്കുകയും, ദൈവസ്നേഹത്തിന്റെ സാക്ഷികളായി ജീവിക്കാൻ പ്രചോദനം നൽകുകയും ചെയ്യണം.
ഈ പുതുവത്സരം നമ്മുടെ ഇടവകയ്ക്കും കുടുംബങ്ങൾക്കും സമാധാനവും ഐക്യവും ആത്മീയ വളർച്ചയും നിറഞ്ഞതാകട്ടെ. 2026, കർത്താവിന്റെ അനുഗ്രഹം എല്ലായിടത്തും സമൃദ്ധമായി അനുഭവപ്പെടുന്ന ഒരു വർഷമായി മാറട്ടെ.
എല്ലാവർക്കും അനുഗ്രഹീതവും സന്തോഷപൂർണ്ണവുമായ പുതുവത്സരാശംസകൾ.
പ്രാർത്ഥനയോടെ
The Vicar
Fr Geevarghese Mathew
Assistant Vicar
Fr Nithin Mathew
