ദൈവതിരുനാമത്തിനു മഹത്വമുണ്ടായിരിക്കട്ടെ!
കർത്താവിൽ പ്രിയരേ,
നാളെ (01 Aug 2026) മുതൽ പരിശുദ്ധ സഭ പരിശുദ്ധ ദൈവമാതാവിന്റെ നാമത്തിലുള്ള ശൂനോയോ നോമ്പ് ആചരിക്കുകയാണല്ലോ. പരിശുദ്ധ അമ്മയുടെ വാങ്ങിപ്പ് പെരുന്നാളിനോടനുബന്ധിച്ചു നാം ആചരിക്കുന്ന ഈ നോമ്പ് ഇടവക ഒന്നടങ്കം ഭക്തിയോടും വിശുദ്ധിയോടും കൂടി അനുഷ്ഠിച്ചു അമ്മയുടെ മദ്ധ്യസ്ഥതയാൽ അനുഗ്രഹീതരാകണമെന്ന് സ്നേഹപൂർവ്വം ഓർമ്മിപ്പിക്കുന്നു. പ്രത്യേകമായി വാങ്ങിപ്പ് പെരുന്നാളിന് മുന്നോടിയായി നാം നടത്തുന്ന വിശുദ്ധ വേദപുസ്തക വായനാചാരണവും, വിശുദ്ധ നോമ്പും, നമ്മുടെ കാരുണ്യപ്രവർത്തികളുമെല്ലാം സ്വർഗ്ഗീയ നന്മകളുടെ അനുഭവത്തിലേയ്ക്ക് നമ്മെ വഴിനടത്തട്ടെ. നോമ്പിന്റെ ദിനങ്ങളിൽ വിശുദ്ധിയോടും ഭക്തിയോടും പരിപൂർണ്ണ സമർപ്പണത്തോടും കൂടി എല്ലാവരും കുടുംബമായി നോമ്പനുഷ്ഠിച്ചുകൊണ്ട് ജീവിതം ക്രമപ്പെടുത്തുവാൻ ഒരിക്കൽ കൂടി ഓർമ്മിപ്പിക്കുന്നു.
പ്രാർത്ഥനയോടെ,
വികാരി
Fr. Geevarghese Mathew
സഹവികാരി
Fr. Nithin Mathew
